डाळीचे धिरडे

डाळीचे धिरडे

साहित्य

२वाट्या बेसन,
१ चहाचा चमचा मिरची पावडर,
१ कांदा बारिक चिरुन,
१ हि मिरची बारिक चिरुन,
चिमूटभर हळद हिंग,
अर्धा चहाचा चमचा जीरे पावडर,
मीठ चवीनुसार,
१चमचा तेलाचे मोहन,
कोथिंबीर बारिक चिरलेली

कृती

वरील सर्व साहित्य एकत्र करुन त्यात पाणी घालून ईडलीपीठापेक्षा थोडे पातळ करावे, 1 चहाचा चमचा तेल तापलेल्या तव्यावर घालून त्यावर डावाने हे पीठ आतून बाहेर असे गोलाकार घालत जावे, झाकण ठेवून एक वाफ काढावी, उलथण्याने उलटून दुसरी बाजूही खमंग शेकावी, गरमागरम खाण्यास द्यावे.  सोबत कोणतीही चटणी, साॅस अथवा दही छानच लागते.

दीपाली बोधे

धन्यवाद!!

#ज्ञानभाषामराठीप्रतिष्ठान
#अन्नपूर्णा

पालक पेसरट्टू

🔷पालक पेसरट्टू🔷

भिजवलेले हिरवे मूग 1 वाटी
बारीक रवा 1 टेबल स्पून
हिरवी मिरची
आलं
कोथिंबीर
पालक प्युरे ( उकळत्या पाण्यात ब्लाँच करून घेतली) 1/2 वाटी
मीठ

कृती-:

रवा सोडून सर्व साहित्य मिक्सरमध्ये बारीक वाटून घ्या, रवा घालून थोडा वेळ बाजूला ठेवा. रवा चांगला भिजून फुलला की नॉनस्टिक पॅनवर थोडसं तेल घालून पेसरट्टू घाला.

यात मी कधी कधी पनीर, गाजर, बीट बारीक किसून घालते.

अमृता बोकील

#ज्ञानभाषामराठीप्रतिष्ठान
#अन्नपूर्णा

मुगडाळीचे पायसम

मुगडाळीचे पायसम

कृती

पिवळी मुगडाळ थोडी कोरडीच भाजून घ्या.
नंतर धुवून पाणी घालून कुकरमध्ये शिजवून घ्या.
कढईत घालून त्यात गुळ , किंचित मीठ, वेलची पूड घालून गुळ विरघळेपर्यंत शिजवून घ्या
मग त्यात नारळाचे दूध घालून मिक्स करा
वरून तुपावर परतून काजू बदाम,काप घाला.
आवडत असल्यास वेलची पूड बरोबर केशर घाला

अंजली जोशी

धन्यवाद!!

#ज्ञानभाषामराठीप्रतिष्ठान
#अन्नपूर्णा

पपई बर्फी

पपई बर्फी

पिकलेली पपई , सुक्या खोबर्याचा किस वेलची ,जायफळ पुड ,तुप ,साखर , सुका मेव्यात काजु बदाम स्लाईस .

कृती :

प्रथम तुपात खोबर्ताचा किस तुपात  भाजुन ह्या. बाजुला काढुन थंड करुन घ्या , पपई फुड प्रोसेसर मधुन काढुन तो गर तुपात केवळ परतवा त्यात साखर घालुन पल्प तयार करुन घ्या . थोडा बेकिंग सोडा घाला फक्त परतवुन त्यात खोबर्याचा किस घाला . वेलची पुड घालुन मिश्रण घत्त करा ताटाला तुप लावुन प्लेट करा नंतर वड्या पाडुन मेवा वरतुन लावा  (अस आई करते मी वड्या पाडुन फ्रीज ला ठेवुन थोड थंड करुन गार वड्या खातो  फक्त थंड करुन घ्या बर्फ होता कामा नये )हेच गोल वळवले की लाडु होतात

सागर महाजन

धन्यवाद!!

#ज्ञानभाषामराठीप्रतिष्ठान
#अन्नपूर्णा

काकडीचे थालीपीठ

काकडी चे थालीपीठ 

काकडी किसून घ्यावे त्यात  भाजलेला ओवा ;जिरेधने पूड मीठ;काळी मिरी;पुदिना; कोथिंबीर ठेचा किंवा लाल तिखट मिक्स करून त्यात बसेल इतके बेसन पीठ घालून ढोसाला बनवतात तसे  बनवून तव्यावर तेल सोडून थालीपीठ पसरवणे दोन्ही बाजूला करपूस बाजून घेणे.
लोणी तसेच खोबर्याची चटणी सोबत सर्व्ह करावे

सौ सविता विश्वजीत काईगडे (एंजल)

धन्यवाद!!

#ज्ञानभाषामराठीप्रतिष्ठान
#अन्नपूर्णा

विविध पराठे

🔷बीट कोबी पराठे🔷

साहित्य

२ बीट, कोबीचा वाटीभर कीस, बारीक चिरलेली कोथिंबीर, २ च जिरेपूड, चवीप्रमाणे मीठ व तिखट, तेल, कणीक ३ वाट्या

कृती -

प्रथम बीटची साल काढून तो कच्चाच किसून घ्यावा, कोबी किसून घ्यावा.
२ चमचे तेलावर प्रथम बीट जरा परतून घ्यावा, पाणी न घालता आणि झाकणही न ठेवता. नंतर त्यात कोबी कीस घालावा. तोही असाच परतावा. किंचित मऊ झाल्यावर तिखट , जिरेपूड व कोथिंबीर घालावी. व मिश्रण गॅसवरून उतरवावे.
मिश्रण गार झाल्यावर मीठ घालावे म्हणजे पाणी सुटणार नाही.
त्यानंतर पोळीसारखी मळून ठेवलेली कणीक घ्यावी. दोन मध्यम आकाराच्या पोळ्या लाटून त्यापैकी एका पोळीवर हे सारण पसरवावे व त्यावर दुसरी पोळी ठेवून दाबावे व कडा चिकटवून पुन्हा वरून किंचित लाटावे.
हा पराठा तव्यावर भाजावा. भाजताना आवडीप्रमाणे तेल किंवा तूप घालावे.
उतरल्यावर सुरीने कापून अर्धे भाग करून ठेवावे.
यामध्ये आवडीनुसार बारीक चिरलेली ढोबळी मिरची, कांदा ही घालू शकतो.

- वैशाली कार्लेकर
🔻🔻🔻🔻🔻🔻🔻🔻🔻🔻🔻🔻🔻🔻🔻

🔷कोबी पराठा  

कोबी किसावा कींवा बारीक चिरावा .तेलात मोहरी ,बारीक चिरून कडिपत्ता ,मिर्ची आल वाटण हिंग ,हळद घालून कोबी परतावा ,येक वाफ काढावीं .परतुन कोरडा करावा .कोथिम्बिर ,लीम्बुरस घालून .पराठा लाटावा.

वैशाली मोजरकर
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

🔷कच्च्या कोबीचे पराठे

कच्च्या कोबीचे पण पराठे छान होतात कोबी किसून त्यात आलंमिरची वाटून घालावे कणिक डाळीचे पाणी ठ आणि तांदुळाचे पीठ तिखट मीठ कोथिंबीर घालून चांगले मळून पराठे करावेत

डॉ.अर्चना चव्हाण
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

🔷बटाट्याचे पराठे

३ मोठे बटाटे वाफवून घेतले , १ बीट , १ गाजर , कोथिंबीर , कसुरी मेथी , गरम मसाला धणे जिरे पूड , २ चमचे दहि आणि मीठ
सगळे जिन्नस एकत्र करून त्या मध्य कणिक जेवढी मावेल तेवढी टाकून मळून घेणे  आणि पराठे लाटून दोन्ही बाजूने तूपात भाजून घेणे

अश्विनी चिकणे
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

🔷काॅर्न पराठा

साहित्य—

स्वीट काॅर्न एक वाटी, चार हिरव्या मिरच्या,  आल्याचा छोटा तुकडा, चार लसूणपाकळ्या,मीठ,कोथिंबीर, कसुरी मेथी एक चमचा,हळद

कृती—

मीठ व कसुरी मेथी  सोडून सर्व जिन्नस मिक्सरवर वाटून घ्यावेत. परातीत मिश्रण काढून घेऊन त्यात मावेल तितकी कणीक दोन चमचे तांदळाचे  पीठ, चवीनुसार मीठ व कसुरी मेथी घालून गोळा  मळून घ्यावा. . पराठा लाटून तव्यावर दोन्ही बाजूंनी भाजून घ्यावा.

मंगला डोंगरे
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

🔷मेथीचे पराठे

कणीक, मेथीची पाने,कांदा आणि हिरवी मिरची बारीक चिरुन, जीरे,मीठ, व तेल घालून पीठ मळून पराठे तव्यावर तेल घालून परतावे, खाली उतरवल्या नंतर तूप घालावे, पुदिना चटणी बरोबर खावे

पुदिना चटणी

पुदिना जास्त, थोडी कोथिंबीर, कांदा, मिरची, चिंच, गुळ आणि मीठ एकत्र मिक्सर मधे वाटावे

रीमा
🔻🔻🔻🔻🔻🔻🔻🔻🔻🔻🔻🔻🔻🔻🔻

🔷एक अतिशय पौष्टिक रुचकर पराठा

काबुली चणे...छोले करतो ते
आदल्या दिवशी च भिजत घालावे.
सकाळी कुकरमध्ये खूप.
५-६ शीट्या काढून छान उकडून घ्यावेत.
आलं.लसूण मिरची कोथिंबीर घालून मिक्स र मधून,/फुड प्रोसेसर मधून बारीक करावे
Either हे स्टफींग घालून पराठे करावे
Or ह्यातच कणिक मळून जाडसर लाटून भाजून घ्यावे.

अंजली जोशी
🔻🔻🔻🔻🔻🔻🔻🔻🔻🔻🔻🔻🔻🔻🔻

🔷अंडा पराठा

साहित्य

कणिक, मैदा,अंडी, कांदा, कोथिंबीर, मिरची,मीठ, दूध,तेल

कृती

थोडी जास्त कणिक आणि मैद्यात मीठ न तेल घालून पीठ भिजवून घ्यावे.
* कोथिंबीर, मिरची, कांदा, मीठ यांचं मिक्सर मधे वाटण बनवून घ्याव.
* तवा तापायला ठेवावा.
* अंडी फोडून त्यात वरील वाटण चांगल मिक्स करून घ्यावे.
* मध्यम आकाराचा उंडा घेउन त्याची पोळी लाटून घ्यावी.
* पोळी तव्यावर एका साईडने चांगली भाजून घ्यावी.पोळी उलटून भाजलेल्या साइडला चमच्याने तेल लावून घ्यावे.
* अंङ्याच्या मिश्रणात १ चमचा दूध घालावे न हे मिश्रण पोळीवर व्यवस्थित पसरून द्यावे.
* १ मिनिटाने पोळी उलटावी.
* अंड छान फुलून पराठा वर येतो
* वरच्या बाजूला मस्त बटर लावून खरपूस भाजून घ्यावे.
* Tomato sauce न कांदा कोथिंबीर salad सोबत सर्व्ह करावे.

Yummy.. yummy

जयश्री खराडे.
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

🔷अंड्याचा पराठा

कणीक, तिखट, तेल, मीठ, हळद, अंडी , काळीमिरी पावडर,
पिठात हळद, तिखट, मिठ व थोड तेल घालून मळून घ्यावे. अर्धा तास झाकून ठेवणे, अंडी फोडून फेटून घेणे, त्यामध्ये तिखट, हळद,मीठ,काळीमिरी पावडर,कोथिंबीर बारीक चिरून घालावी,  पिठाची गोळी घेऊन लांबट लाटून घ्यावी, त्या वर ते ल लाऊन घ्यावे बरोबर मधे चिमटीत पकडून लाटलेली पोळी गोळा करावी म्हणजे दोन होतील ते एकमेकावर दाबून हलक्या हाताने पोळी लाटून घ्यावी, गरम तव्यावर दोन्ही बाजूने भाजल्यावर मस्त फुगेल, गँस बारीक करुन पोळी हळूच उघडून त्या पाँकेट मधे अंड्याचे मिश्रण ओतून परत पोळी तेल सोडुन खरपूस भाजून घ्यावे. क्रिस्पी गरम गरम खायला पराठा मस्त लागतो.

जास्त पुदिना, थोडी कोथिंबीर, मिरची, आल, सैधव मिठ
ह्याची चटणी वाटुन घ्यावी, त्यामध्ये कणीक, ज्वारी, बाजरी पिठ, थोड राजगिरा पिठ, दही घालून घट्ट मळून घेऊन लाटून पराठे तुप लावून भाजावेत.

वंदना मंकीकर

धन्यवाद!!

#ज्ञानभाषामराठीप्रतिष्ठान
#अन्नपूर्णा

दहिवडा

🔷दही वडा (दही भल्ले)🔷

साहित्य

उडिद डाळ,त्याच्या निम्मी मूग डाळ,आलं,मिरची, ओल्या खोबऱ्याचे बारीक तुकडे, कोथिंबीर, मीठ, जिरं,हिंग.उडी
गोड दही, लाल तिखट, भाजलेल्या जिरे पूड

कृती

उडीद डाळ न मूग डाळ वेगवेगळ्या ४-५ तासांसाठी भिजत घालाव्यात.
* पाण्यातून उपसून मिक्सर मधे आलं, मिरची, जिरे , ओल्या खोबऱ्याचे बारीक तुकडे न मीठ यासह वाटून घ्याव्यात.
हे वाटण चमचा/हाताने चांगले फेटून घ्यावे.(वडे मस्त spongy होतात).
* तेल तापेपर्यंत थोड्याशा पाण्यात हिंग मिक्स करून घ्यावे.(यामुळे वडे पचायला हलके होतात... ही माझ्या एका पंजाबी मैत्रिणी ची टीप).
* आपल्याला हव्या त्या साईज चे वडे पहिल्यांदा मोठ्या आचेवर आणि नंतर मध्यम आचेवर तळून घ्यावेत.
* हे वडे हिंगाच्या पाण्यात  १५-२० मिनिटे बुडवून ठेवावेत.
हे वडे २ तळहातांमधे अलगद दाबून थोडे पिळून घ्यावेत.
* एका बाजूला थंड दह्यात आवडीप्रमाणे साखर,मीठ मिसळून चांगले घोटून घ्यावे.
* सर्व्ह करताना वडे त्यावर दही मग लाल तिखट, जिरे पूड न आवडीच्या गोड आणि हिरव्या चटणीबरोबर न किंचितशी कोथिंबीर पसरून द्यावे.

च ट प टि त दही वडा तयार.

(खजूर,चिंच गूळ गोड चटणी न हिरवी कोथिंबीर चटणी रेसिपी खाली टाकते.)

🔷चिंच-गूळ-खजूर गोड चटणी🔷

साहित्य

चिंच, गूळ, खजूर,लाल तिखट, जिरे पूड,आख्ख े धणे, पांढरे तीळ,corn flour, तेल,मीठ

कृती

चिंच आणि गूळ पाण्यात वेगवेगळे ५-६ तासांसाठी भिजत घालावेत.
* खजूर बिया काढून मिक्सर मधून पेस्ट करून घ्यावी.
* गूळ आणि चिंच पाणी गाळून घ्यावे, चिंच पाण्यात कुस्करून पुन्हा एकदा पाणी गाळून घ्यावे.
*Gas वर थोड्याशा तेलात धणे आणि तीळ तडतडल्यावर गूळ चिंचेचे पाणी न खजूर पेस्ट फोडणीस घालावी.त्यात जिरे पूड, लाल तिखट न मीठ यासह एक उकळी आणावी.
*एका वाटीत पाणी आणि corn flour ची पातळ पेस्ट करून घ्यावी. ही पेस्ट वरील चटणीत मिक्स करून आणखी एक उकळी काढावी.
*थंड झाल्यावर आवडत्या वाडग्यात काढून घ्यावी.

जयश्री खराडे.

धन्यवाद!

#ज्ञानभाषामराठीप्रतिष्ठान
#अन्नपूर्णा

पालेभाज्या

शेंपू भोपाळा

शेंपू व भोपला ची पाने घ्यावित
बारीक चिरून घ्यावी
तांदूळ कणी व तुर डाळ घ्यावी
कणी व डाळ शिजत ठेवावी
मग त्यात भाजी  ओली मिरची लसुन घालून शिजवावी पातळ ठेवावी वरुन फोडणी द्यावी मीठ घालावे छान लागते

ममता संसारे
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

अंबाडी

साहित्य

निवडून घेतलेली अंबाडीची भाजी  ,तुरीची डाळ व कण्या तांदळाच्या शिजवून घेतलेल्या , लसूण पाकळ्या  लाल तिखट ,मीठ ,फोडणीला मोहरी , हिंग गूळ

कृती

कूकरला डाळ तांदूळ व वेगळी चिरलेली भाजी ऊकडून  घ्यावी . पाणी काढावे आमटीला वापरावे .फोडणीला लसूण घालून भाजी व शिजलेले डाळ तांदूळ टाकावे .मीठ तिखट टाकून  १वाफ द्यावी गूळ घालावा .शेवटी पानात घेताना कच्चं तेल घ्यावं गोडेतेलच  वा तीळाचं चव  छान लागते .
या बरोबर ज्वारीची भाकरीच हवी .शिळी अंबाडीची भाजी व भाकरी फारच छान लागते. खराबही होत नाही .

वृंदा कार्येकर 
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

पालक  व शेपू  आणि   आंबट चुका

कृती

फोडणी त  फक्त लसूण  बारीक  चि रून  आणि   हिरव्या मिरच्या , मीठ इ.भाजी ला   फोडणी   दि ल्यावर   हरभरा डाळीचे   पिठ  एक  चमचा   लावावे  ..चांगले    भाजीला  गरगटावे    चांगली    उकळी   येऊ  द्या ..एकदम   सिम्पल  ,,  आंबट   चुक्यामुळे  चवीला   छान   लागते ..

सुनंदा शिंदे
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

पोकळा

ही भाजी बोटाएवढ्या आकाराची तोडून घ्यायची धुवून कोरडी करून घेणे नंतर मीठ घालून थोडा वेळ आचेवर ठेवावे. पाणी सुटते .एकदा दोनदा हलवून सर्व भाजी अर्धवट शिजली की गॅस बंद करावा. थोडा वेळ गेला की भाजी भाड्यात एका बाजूला ओढुन हलकेच उलतानीने दाबून भाजीतून सर्व पाणी काढून घेणे.
लोखंडी तव्यावर लसणच्या पाकळ्या किसलेली पेस्ट (भाजीच्या आणि आवडीच्या प्रमाणात)घालून नीट परतून घ्यावे त्यात पाणी दाबून काढलेली  भाजी घालावी. गॅस बंद करावा.

टिप-परत गरम करू नये अन्यथा पाणी सुटते

सविता काइंगडे
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

पोकळ  ,तांदूळ , चवळई  ,पालक  ह्या   भाज्या   नेहमी च्या  भाज्यांसारख्याच  करतात   फक्त   चंदनबटवा  निवडून   धूवून  बारीक   चिरुन  वाफवून   घेणे   त्या त  थोडी   मुग डाळ   भाजी  उकडताना  टाकायची किंवा डाळीचे  पिठ  किंवा   ज्वारी चे   पिठ .लावावे   ..फोडणी    देताना   लसूण वाटून  जिरे  ,हिरव्या   मिरच्या   वाटून   किंवा   बारीक   चिरुन   घालाव्यात  .....भाजी  शिजवून घेतलेली   त्या  फोडणी त  घालून   चांगली   गरगटावी..ज्वारी च्या   भाकरी   बरोबर   चांगली  लागते ...

२)पोकळा  --निवडून    धूवून  चिरुन   एका  वाफेत  शिजवून   घ्यावा  .. हलक्या  हाताने  पिळून   घ्यावा ..लसूण बारीक चिरुन  व कांदा  बारीक   चिरून  आणि   हिरव्या   मिरच्या   बारीक   चिरून   सर्व   साहित्य   घालून  त्या त  मुगाची  डाळ   भाजीची  तयारी   करत  असताना   डाळ   भिजत   घालावी ..त्या त  सर्व   परतावे   नंतर   भाजी  घालून  हलकेच  परतावे

सुनंदा शिंदे
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

पोकळा

साहित्य

पोकळा
कांदा
टोमॅटो
मिरची
लसूण
मीठ
जिरे मोहरी
हिंग
तेल
हळद

कृती

पाहिले पोकळा निवडून घेऊन बारीक चिरून घ्यावा. नंतर कढईत तेल घालून त्यात जिरेमोहरी घालुन त्यात हिंग घालून मग लसूण, मिरची, कांदा, टोमॅटो हे घालून छान फ्राय झाले की हळद घालून त्यात पोकळा आणि मीठ घालून छान शिजू द्यावी

अभिलाषा अमोल शिंपी
🔻🔻🔻🔻🔻🔻🔻🔻🔻🔻🔻🔻🔻🔻🔻

मायाळूचे सांबार (कारवारी पद्धतिचे)

साहित्य:

एक जुडी मायाळू, अर्धी वाटी तुरडाळ, दोन मध्यम कांदे (बारीक चिरुन), चार लसूण पाकळ्या (बारीक चिरून), अर्धी वाटी ओले खोबरे (कातलेले), ४-५ सुक्या बेडगी मिरच्या, अर्धा चमचा हळद, ३-४ कोकम सोले/ आमसुले, एक चमचा सांबार मसाला, ३ ते ४ चमचे खोबरेल किंवा कोणतेही तेल, मीठ चवीनुसार, दोन-तीन वाट्या गरम पाणी 

कृती:

मायाळूची पाने व कोवळे देठ निवडून, स्वच्छ धुऊन बारीक चिरुन घ्यावेत. तुरडाळ धुऊन स्वच्छ पाण्यात अर्धा तास भिजत ठेवावी. भिजलेली डाळ व चिरलेली मायाळू एका भांड्यात एकत्र करून प्रेशर कुकरमध्ये दोन ते तीन शिट्या होतील इतपत शिजवून घ्यावी. दुसऱ्या पातेल्यात एक चमचा तेल गरम करून त्यात सुक्या मिरच्या भाजून घ्याव्यात. भाजलेल्या मिरच्या, कातलेले खोबरे व हळद पूड एकत्र करुन मिक्सरवर गंधासारखे बारीक वाटण वाटून घ्यावे. त्याच पातेल्यात आणखी दोन चमचे तेल घालून ते गरम होताच त्यात कांदा व लसूण घालून मध्यम आचेवर गुलाबी रंग येईपर्यंत परतावे. आता त्यात शिजलेले डाळ- मायाळूचे मिश्रण त्यातील पाण्यासह घालावे. लगेच कोकम सोले/ आमसुले धुऊन त्यात घालावीत. त्यात मीठ घालावे. मध्यम आचेवर चांगली रसरशीत उकळी येऊ द्यावी. उकळी आल्यावर आधी करुन ठेवलेले वाटण घालावे. एकजीव होईल इतपत ढवळून घ्यावे. वाटण घातल्यावर नारळाचा रस फाटू नये म्हणून आच मंद करावी. आता त्यात सांबार मसाला घालून ढवळून घ्यावे. मंद आचेवर पाच मिनिटे सांबार मुरत ठेवावे. पाणी आटले असेल तर पातळ भाजी होईल इतपत थोडे थोडे गरम पाणी अंदाजे घालावे व ढवळून घ्यावे. सर्व एकजीव झाले की झाले सांबार. तयार गरमागरम सांबार भातावर किंवा पोळीसोबत पण खायला छान.

-सौ. प्रीति कामत-तेलंग
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

करडई ची भाजी

साहित्य :

करडईची एक जुडी, लसुण पाकळ्या ६,७ , भाजलेले शेंगदाणे, हिरव्या मिरच्या , मीठ

कृती :

करडईची पान देठापासुन वेगळी करुन घ्यावी स्वच्छ धुवुन पाणी निथळुन घ्यावी . मोठ्या आकारात कापुन थोड पाणी घालुन वाफवुन घ्यावी . नंतर बाऊल मध्ये काढुन थंड करावी .तोपर्यंत मिक्सरला शेंगदाणे + हिरवी मिरची (चवीनुसार तिखट घ्या) पाणी घालुन  वाटुन घ्या .कढईत तेल गरम करुन त्यात लसुन सोलुन थोडासा चेचुन( ठेसुन )घालावा . त्यात भाजी घालावी थोड परतुन त्यात वाटलेले शेंगदाणे घालावे .घट्टसर रस्सा करुन शिजवुन घ्या .बाजरीच्या भाकरी सोबत छान लागते याच पद्धतीने हरभर्याच्या पाल्याची  , शेवग्याच्या कोवळ्या पाल्याची भाजी करता येते त्यात फक्त पाला शिजवुन घ्यायची गरज नाही .

सागर महाजन
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

  अंबाड्याची भाजी

साहित्य :-

अंबाड्याची भाजी१पेंढी,हरभरा डाळ मूठभर, तांदूळ मूठभर,शेंगादाणे मूठभर,हिरवी मिरची,लसूण मीठ,फोडणीचे साहित्य

कृती:-

सर्वप्रथम अंबाड्याची भाजी निवडून धुऊन घ्यावी.कुकरच्या भांड्यात अंबाड्याची भाजी ,हरभरा डाळ,तांदूळ व शेंगादाणे टाकून थोडे पाणी घालून शिजवून घ्यावी.शिजल्यावर पाणी पूर्ण निथळून काढावे.नंतर रवीने वरील भाजी घोटून घ्यावी.मिरची वाटून घालावी व लसूण ठेचून घालावा,मीठ घालावे व मिसळावे.दुसऱ्या भांड्यात तेल घेऊन त्यात थोडे जीरे मोहरी किंचितशी हळद टाकून फोडणी करावी.यात अंबाड्याच्या भाजीचे तयार केलेले मिश्रण घालावे.लगेच गॅस बंद करावा.सर्व एकजीव करावे.
अंबाड्याची भाजी खाण्यासाठी तयार👍🏽👍🏽👍🏽

सौ.वैशाली पाटील
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

ममता संसारे-अंबाडीची भाजी साफ करुन चिरून घ्यावी तुरीची डाळ व तांदूळ कणी घ्यावी डाळ व कणी शिजवून घ्यावी चिरलेली भाजी पण उकडून घ्यावी पाणी काढून टाकावे तेलावर लसुन हींग ओली मिर्चिची फोडणी द्यावी मीठ घालावे खाताना कच्चे तेल घालून खावी

डॉ.वसंत काळपांडे  कोथिंबिरीच्या देठांचे सूप आणि सेलरीचे सूप यांच्या चवी अगदी एकसारख्या वाटतात.

वंदना मंकीकर- पाले भाजी चे देठ, मटार ची साल , फ्लॉवर चे देठ यांच सुप छान चविष्ट होत
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

चिंचेच्या पाल्याची चटणी

आंबट चिंचेचा तयार पाला याला लागतो

साहित्य :

तयार पाला , लाल मिरची पावडर , हळद ,तेल,  मीठ, कांदा ,आल लसुण पेस्ट , मोहरीचे दाणे , धणे पुड ,गुळ

कृती :

तेलात मोहरी तडतडवुन घ्यायची मग कांदा लालसर करुन घ्या . त्यात पेस्ट घालुन परतवा.गॅस कमी करुन हळद , मीठ , लाल तिखट घाला परतवुन यात चिंचेचा पाला घाला . गॅस बंद करायच्या १ मिनीट आधी किंचीतसा गुळ घालुन फक्त परतवा . आंबट , तिखट , गोड एकत्र अनुभव

सागर महाजन
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

चंदन बटवा भाजी

कातरे. असलेली टोमॅटो पानां सारखी दिसते पण लहान पानं
मधेच पानांच्या मागे खूप सुंदर गुलाबी रंग असतो.
ताकातला बटुआ..पानं काढून, धुवून , भिजवलेल्या डाळ दाण्यां सकट शिजवून घ्यावे.किंचित आंबट ताकात पाणी,बेसन, ठेचलेले आले घालावे.त्यात उकडलेली भाजी कुस्करुन घालून  चिमुटभर हळद घालून उकळी आणावी.चवीनुसार मीठ,साखर   घालावी . वरून तुप, जिरे हिंग, मिरची कढीपत्ता घालून केलेली फोडणी घालून छान उकळी आणावी.ताकात ली चंदन बटवा भाजी तयार

अंजली जोशी
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

अंबाडी ची भाजी

साहित्य

कच्चे शेंगदाणे
ज्वारी ची कणी
तादूंळ
तूर डाळ
हिरव्या मिरच्या ठेचा
लसणाच्या पाकळ्या
आलं
हिंग
जिरे

कृती

  प्रथम भाजी गरम पाण्यातून बाहेर काढून घेणे चिकट होते.
हाताने हलकेच दाबून पाणी काढून एका परातीत भाजी पसरवणे त्यावर  ज्वारीची कणी +तांदूळ+थोडावेळ भिजवलेली तूरडाळ +कच्चे शेंगदाणे अर्धवट फोडलेले किंवा डाळी  +ठेचा+हिंग +भाजलेल्या जीरे पूड  घालून एकजीव करून घ्यावे  .
  नंतर मध्यम आकाराचे गोळे तयार करावेत व एका मोठ्या पातेल्यात मक्याच्या कणसाची वरील पाने एक सारखी पसरवणे .त्यात एक ग्लास पाणी घालावे
     त्या पानाचा किमान थर असावा. त्यावर एक जाळी ठेवावी जेणेकरून मोदक पात्र पाण्यात बुडणार नाही
वरील गोळे एका मोदक पात्रात सुती कापडात हे गोळे झाकून वाफवून घ्यावेत.
   नंतर कढईत तेल गरम करून आलं लसूण पेस्ट घालून जेवढी हवी आहे तेवढेच गोळे परतून घ्यावे. शेवटी मीठ घालून वाफ येऊ द्यावी
  नाहीतर फोडणी न करताही मीठ घालून खाता येते

सौ.सविता काईगडे

धन्यवाद!!

#ज्ञानभाषामराठीप्रतिष्ठान
#अन्नपूर्णा

कैरीचे पन्ह,फालुदा

कैरीचे पन्हं

साहित्य

४ कैरी मध्यम आकाराच्या,
२ कप साखर किंवा गुळ
२ कप पाणी,
१ टीस्पून काळमीठ,
१/२ टीस्पून मिरेपूड,
१ टीस्पून शौप पाऊडर,
२ टीस्पून जीरा पाऊडर,
४-५ पुदिन्याची पान,
२ टेबलस्पून लिंबू रस,
मीठ स्वादानुसार,
बर्फाचा चुरा,
थंड पाणी.

कृती:

कैरी प्रेशर कुकरमध्ये घालून १ शिटी येईपर्यंत शिजवून घ्यावात.कैरी शिजल्यानंतर तिचा गर काढून घ्यावा.
कैरीच्या गरामध्ये साखर, मीठ, मिरेपूड, शौप पाऊडर, जीरा पाऊडर आणि लिंबाचा रस घालून मिक्स करून घ्यावे.
सर्व्ह करण्याअगोदर ह्या मिश्रणात थंड पाणी घालावे.
ग्लासमध्ये बर्फ घालून त्यावर पन्ह घालावे.

🔷फालूदा रेसिपी

साहित्य

२ कप व्हॅनिला आईस्क्रिम
१ कप फालूदा शेव
गुलाबाचे सरबत
अर्धा कप ताजे क्रीम
१ किलो दूध
२ छोटे चमचे गुलाब एसेंस
१/२ कप बदाम व पिस्ते
चार चमचे साखर

पाककृती

दूधात साखर टाकून आटवा. थंड झाल्यावर त्यात गुलाब एसेंस टाकून जमवा.
वाढतांना एक आईस्क्रिम ग्लासात गुलाब सरबत टाकून मग फालूदा शेवया टाका त्यावर जमवलेले दूध टाका.
मग व्हॅनिला आईस्क्रिम टाका व क्रीम टाकून वर बदाम पिस्ते टाका.किंवा यामध्ये तुम्हाला आवडणारा आईस्क्रीम फ्लेवर, इसेंस घालून त्याची चव वाढवू शकता.

प्रिया कणसे

धन्यवाद!!

#ज्ञानभाषामराठीप्रतिष्ठान
#अन्नपूर्णा