पाकातली मावा-ड्रायफ्रुट करंजी

पाकातली मावा-ड्रायफ्रुट करंजी

साहित्य

मैदा,मिल्क पावडर, साखर, तूप,ड्रायफ्रुटची भरड, जायफळ पूड, वेलची पूड,मीठ.

कृती

• मैद्यात पाव चमचा मीठ, एक चमचा साखर, वेलची-जायफळ पूड आणि कडकडीत तूपाचे मोहन घालावे. तूप मैद्याला चांगले चोळून घ्यावे.याचे घट्टसर पीठ मळून घ्यावे.
•एक कप साखरेत अर्धा कप पाणी घालून पाक बनण्यास ठेवावा.चांगला उकळून घट्टसर झाला की गॅस बंद करावा.
•पॅनमध्ये एक चमचा तूप टाकून मिल्क पावडर परतून घ्यावी, २ चमचे साखर घालावी.जायफळ-वेलची पूड घालावी.थोडं थोडं दूध घालून मिश्रण सतत हलवत रहावं. भांड्याला चिकटेनासं झालं की करंजीचं माव्याच सारण तयार.
• मैद्याच्या कणकेची मोठी पोळी लाटून, गोल कटरने छोट्या एकसारख्या पुऱ्या बनवाव्यात.
•पुरीवर माव्याची छोटी गोळी मग ड्रायफ्रुट भरड अस भरून करंज्या बनवून घ्याव्यात.
• मध्यम आचेवर तळून लगेच पाकात  टाकाव्यात.दुसरा करंजीचा लॉट तळेपर्यंत या पाकात ठेवाव्यात, मग निथळून बाजूला ठेवाव्यात.
• अजून थोडी ड्रायफ्रूट पूड वरून भुरभुरावी.

नक्की करून बघा..

ता.क - इथे खवा मिळत नसल्याने मिल्क पावडरशिवाय पर्याय नाही. तुम्ही हेच सगळे 'खवाच' वापरून करा.

जयश्री खराडे

धन्यवाद!!

#ज्ञानभाषामराठीप्रतिष्ठान
#अन्नपूर्णा