कारल्याची पीठ पेरुन भाजी

कारल्याची पीठ पेरुन भाजी

साहित्य 

२-३ कारली , चवीनुसार तिखट, मीठ, साखर,अर्धा डाव तेल,तीन टेबलस्पून हरभरा डाळीचे पीठ

कृती

१.कारली स्वच्छ धुवून घ्यावीत आणि त्याचे पातळ काप चिरुन घेऊन त्यांना मीठ चोळून १५-२० मिनिटे मुरत ठेवावीत.
२.गॅसवर एका कढईत फोडणीला तेल नेहमीपेक्षा थोडे जास्ती घालावे. फोडणीमधे कारल्यांच्या चकत्या घालून परताव्या.
३. मंद आचेवर २-३ वेळा वाफ देवून शिजवून घ्यावे.
४.नंतर त्यात चवीप्रमाणे तिखट, मीठ घालून थोडीशी साखर घालावी.
५.परत परतून त्यात वरुन थोडे डाळीचे पीठ घालून परतावे व एक वाफ देऊन परत परतावे. झाली भाजी तयार!!भाजी मिळून येण्याइतकेच पीठ पेरावे.
६. पीठ पेरल्याने कारल्यांचा कडूपणा पूर्णपणे जातो व भाजी  चवीला चांगली लागते.
**पीठ जास्त नको, थोडेसेच पेरावे. नुसती खायला पण चांगली लागते.

अंजली अतुल जोशी

धन्यवाद!

#ज्ञानभाषामराठीप्रतिष्ठान
#अन्नपूर्णा