ढेमसं भाजी

ढेमसं भाजी

पाककृती१

1) साधे चौकोनी तुकडे करून जिरं, मोहरी, कडीपत्ता घालून फोडणी करावे.
आलं-लसूण पेस्ट घालून लाल तिखट, हळद, मीठ घालून ढेमस्यांच्या फोडी घालून.. त्यावर झाकण ठेवावे..
झाकणावर पाणी घालून वाफेवर ही भाजी शिजवावी..
भाजी शिजली की त्यात थोडा गोडा मसाला,घालून मिक्स करायचे आणि कोथिंबिर घालून सजवावी.

पाककृती २)

वरील प्रमाणे चौकोन फोडी करूनच वरील प्रमाणेच फोडणी करून फक्त त्यात हरभरा डाळ किंवा मूग डाळ घालून भाजी करावी..

बाकर भरून भाजी

• छोटे छोटे ढेमसं घेऊन ते धुवून घ्यावे.
•त्या ढेमस्यांवर आडवा चिरा देऊन (पोट फोडून) त्यातल्या बिया काढून घ्याव्या..

••बाकर-

एक मोठा कांदा खूप बारीक चिरून घ्यावा.. चॉपर नी बारीक होतो तसा.. *त्यातच आलं-लसूण पेस्ट घालून, भाजीला लागेल त्या प्रमाणात लाल तिखट, हळद, मीठ, धने जिरं पूड, गोडा मसाला ,सुकं खोबरं किस घालून सर्व एकत्र कालवून घ्यावं.आणि हे मिश्रण त्या पोट फोडलेल्या ढेमस्यांमध्ये भरावं..

•असे सर्व ढेमसे तयार करून घ्यावेत.
• कढईत तेल तापवून घ्यावं.
•त्यात जिरं- मोहरी, कडीपत्याची फोडणी करून त्यात हे बाकर भरलेले ढेमसे सर्व व्यवस्थित गोल मांडून ठेवावे.
• झाकण झाकून मऊ होईपर्यंत शिजवून घ्यावे.
•अधून मधून झाकण काढून वरखाली करावेत..
•शिजल्यावर त्यावर कोथिंबीर पेरून भाजी खायला घ्यावी..
•खूपच छान लागते ही भाजी..

सुजाता

धन्यवाद!!

#ज्ञानभाषामराठीप्रतिष्ठान
#अन्नपूर्णा