हिरव्या मिरचीचा ठेचा,फोडणीचा झुणका

🔷फोडणीचा झुणका🔷

साहित्य

दीड वाटी हरभरा डाळ 
४ ते ५ कांदे
६ ते ७ हिरव्या मिरच्या
८ ते ९ लसूण पाकळ्या
१/३ इंच आलं
१ चमचा जिरे
१चमचा मोहरी
१ चमचा हळद पूड
१/२ हिंग पावडर
कडीपत्ता 
कोथिंबीर
१ मोठा चमचा फोडणी साठी तेल
चवीनुसार मीठ

कृती

*प्रथम हरभरा डाळ ८ तास भिजवून घ्यावी.
*भिजलेली डाळ पाणी न वापरता मिक्सर मधून थोडी मोठी मोठी वाटून घ्यावी.
*नंतर वाटलेली डाळ मुटके करून मोदक पात्रात चांगली उकडून घ्यावी.
*उकडलेली डाळ गार झाल्यावर पुन्हा एक एक मुटका मिक्सर मधून फिरवून घ्यावा. डाळ छान बारीक होते.
*मिरच्या, आलं, लसूण, थोडा कडीपत्ता, चिमूटभर जीरे मिक्सर मधून बारीक करून घ्यावे.
*कांदे बारीक चिरून घ्यावा.

*नंतर गॅसवर कढई ठेवून त्यामध्ये तेल गरम करून घेऊन बारीक चिरलेला कांदा गुलाबी रंग होई पर्यंत परतून घ्यावा नंतर त्यात मिरची-आल्या लसणाच वाटण परतून घ्या नंतर जिरे, मोहरी, कडीपत्ता, हिंग, हळद पूड टाकून परतुन घ्यावे.
*हे सगळं झाल्यानंतर आत्ता बारीक करून घेतलेली डाळ, मीठ, कोथिंबीर घालून चांगले परतून घ्यावे.
*थोडा वेळ झाकण ठेवावे आणि झाला फोडणीचा झुणका तयार.

टीप-हा झुणका १ ते २ दिवस चांगला राहतो, प्रवास करताना चपाती सोबत घेऊन जाऊ शकतो.

🔷हिरव्या मिरचीचा ठेचा (खरडा)🔷

साहित्य:
हिरव्या मिरच्या
आलं
सुके खोबरं
कोथिंबीर
तेल

कृती:
*मिरच्या स्वच्छ धुवून घ्याव्या.
*देठ काढून स्वच्छ पुसून घ्याव्या.
*देठ काढलेल्या मिरच्या तव्यावर तेल टाकून छान भाजून घ्याव्या.
*नंतर त्यामध्ये लसूण, सुकं खोबरं, थोडंसं आलं, कोथिंबीर घालून जरासं परतून घ्यावे.
*सगळं एकत्र मिक्सरमध्ये मोठं मीठ घालून बारीक करून घ्या.
*झाला ठेचा तयार!!
माझी आजी, आई मातीच्या छोट्या मडक्याने बारीक करायच्या.

टीप-तव्यावर आपण बत्त्याने सुध्दा बारीक करून घेऊ शकतो.

सौ.वैशाली वेटाळे
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

मिरची पाव K ,मोहरी येक वाटी ,धने चार चमचे ,मेथी येक चमचा ,जिरे येक चमचा ,सफेद तीळ येक चमचा ,मीठ ,हळद ,हिंग ,तेल मिरची धुऊन उभे दोन तुकडे करावे .कढई मोहरी धने जिर् तीळ ।क्रमाने भाजावे .दोन चमचे तेल टाकून मेथी ,हिंग तलावे मिक्सरला जाड्सर वाटावे .मिर्चीला मीठ हळद वाट्लेला मसाला लावावा .दोन वाटी तेलात मोहरी हिंग घालून फोडणी करावी .गार झाल्यावर मिर्चित घालून लोणचं येकत्र करावे .

वैशाली मोरजकर

धन्यवाद!!

#ज्ञानभाषामराठीप्रतिष्ठान
#अन्नपूर्णा