वाल

🔷वाल🔷

वालाचे दाणे किंवा कोवळ्या शेंगा लहान तुकडे करून खुडून घ्याव्यात, शेंगांच्या शिरा गवारीच्या शिरा काढतो तशा  काढाव्यात.
७ते८लसणाच्या पाकळ्या घेऊन जिरे आणि लसणाची फोडणी द्यावी, त्यात लाल तिखट  चवीप्रमाणे घालून खमंग वास सुटला की वालाच्या शेंगा धुवून तेलात 1 मिनिट परताव्यात.
थोडे पाणी घालून वाफेवर शिजू द्याव्यात.
अर्धवट शिजल्या की त्यात खोबऱ्याचा चव घालतो तेवढंच दाण्याचं कूट घालावं.
मीठ घालून भाजी पूर्ण शिजवावी. वर कोथिंबीर बारीक चिरून पेरावी.
ही भाजी सुकी किंवा रश्शाची करता येते.

शिल्पा कापुरे
🔻🔻🔻🔻🔻🔻🔻🔻🔻🔻🔻🔻🔻🔻🔻🔻

🔷डाळिंब्या (वाल )🔷

फोडणी केल्यावर डाळिंब्या,
बारीक मेथी(वाळूवरची),एक लहान टोमॅटो, एक छोटा  कांदा चिरुन टाकणे .
बारीक मेथी शिजवून पाणी काढून टाकून फोडणीत टाकणे त्याने कडवटपणा जातो.
थोडा गूळ ,डाळिंब्या थोड्या कडवट असतात म्हणून घालणे.ओलं खोबरं घालणे.
रस भाजी तयार.

🔷वाल🔷

वालाच्या शेंगा सोलून दाणे काढून,गाजर,टाॕमेटो,वांग,बटाटा,शेवग्याची शेंग;संक्रांत असेल तर कच्ची दोन-चार बोरं,
तिळकूट, थोडं ओलं खोबरं,कोथिंबीर ,गोडा मसाला ,थोडा गूळ, तिखट, मीठ, चवीनुसार
पंचामृतासारखी भाजी संक्रातीला कोकणात करतात.

🔷डाळिंब्या आमटी🔷

१.डाळिंब्या किंवा डाळिंब्याची डाळ कुकरला शिजवून घेणे.
२.सुकं खोबरं जिरं भाजून व वाटून घेणे.
३.फोडणी नेहमीसारखी करुन शिजवलेले डाळिंब्या किंवा डाळिंब्यांची  डाळ फोडणीत घालून त्यात तयार वाटण घालून पाणी बऱ्यापैकी घालणे.
४.चिंचेचा कोळ व गूळ घालणे.
५.चवीनुसार मीठ घालणे.
ही आमटी काळ्या रंगाची होते

रुचिरा जोशी

धन्यवाद!!

#ज्ञानभाषामराठीप्रतिष्ठान
#अन्नपूर्णा