ग्रैनोला बार

ओटस्...
माझं सुपरफूड...फेवरेट फूड..
मी फक्त ओटस् खाऊनही जिवंत राहू शकते..भरपूर पदार्थ बनवते मी ओटस् पासून.
ग्रैनोला बार/एनर्जी बार तर खूप फेव्हरेट... खूप खूप पौष्टिक पदार्थांनी बनलेला आणि चटकन पोट भरणारा....

साहित्य :

२कप ओटस्,१ कप भरडलेल्या डाळया,१ कप खोबरे,
प्रत्येकी अर्धा कप-१.शेंगदाणे भरड,
२.जवसाची बारीक पावडर,
३.तीळ,
४.हव्या त्या ड्रायफ्रुटस् ची भरड.
चॉकलेट चंकस्,मध,गूळ,पिनट बटर,मीठ.

कृती :

• ओटस् बेकींग ट्रेमध्ये पसरून १५-२० मिनिटे २००°सें. रोस्ट करून घ्यावेत.
• गूळ किसून घ्यावा.पीनट बटर,मध आणि गूळ चांगले एकत्र करून घ्यावे आणि १०-१५ मिनिटे तसंच झाकून ठेवावे.त्याला पाणी सुटतं.
• यात वरील सर्व जिन्नस घालावेत आणि व्यवस्थित मिक्स करून घ्यावेत.
• ट्रेमधे बेकींग शीट पसरून हे मिश्रण ओतावे. आणि थोपटून एकसारखे करून घ्यावे.
वर हवे ते टॉपींग्ज लावू शकता.
• ओव्हन १८०°सें. १०-१५मिनिटे प्रिहिट करावे.
• ओव्हनमधे ट्रे ठेवून १५-१७ मिनिटे १८०-१९०°सें बेक करावे.
• थंड होऊ द्यावे...
•हव्या त्या आकारात वड्या कापून घ्याव्यात. हवाबंद डब्यात भरून ठेवाव्यात.

मस्त खा...

जयश्री खराडे.
धन्यवाद!!

#ज्ञानभाषा मराठी प्रतिष्ठान
#अन्नपूर्णा