मसाला दूध -कोजागिरी स्पेशल

मसाला दूध

साहित्य:

•२ कप दूध
•३ टेस्पून साखर

मसाल्यासाठी  साहित्य :

•१/४ कप बदामाची पूड
•१ टेस्पून पिस्ता पूड
•१/२ टिस्पून वेलचीपूड
•चिमूटभर जायफळ पूड
•१ चिमूटभर केशर

कृती:
१) मसाला बनवताना न खारवलेले पिस्ता आणि बदाम वापरावेत. त्याची पूड करावी. बदाम पिस्ता पूड, वेलची आणि जायफळ पूड आणि केशर एकत्र मिक्सरवर एकत्र करून घ्यावेत.
२) २ कप दूध गरम करावे. त्यात ३ टेस्पून किंवा आवडीनुसार साखर घालावी. २-३ टीस्पून मसाला घालून ढवळावे.
३) थोडे उकळू द्यावे व गरम गरम सर्व्ह करावे.

टीप:

१) मसाला बनवताना इतरही सुका मेवा आवडीनुसार वापरू शकतो.
२) यामध्ये अख्ख्या चारोळ्याही घालू शकतो.
३) मसाल्यात जायफळ प्रमाणातच वापरावे. कारण मसाला दूधाला जायफळाचा जास्त फ्लेवर आला तर ते उग्र लागते.
४) केशर थोड्या दुधात भिजत घालून ठेवला ना छान रंग येतो.

सौ. वैशाली वेटाळे.

धन्यवाद!!

#ज्ञानभाषामराठीप्रतिष्ठान

#अन्नपूर्णा