सांबार वडी/पुडाची वडी

साहित्य:

कोथिंबीर (निवडून, धुवून,चिरून, पसरुन ठेवावी), मिरची-लसूण-जिरे ठेचा,तीळ,धणे भरड, काजू-बदाम-किसमिस, खोबऱ्याचा किस,शेंगदाण्याचा कूट,हळद,तिखट,धणे, तीळ, मैदा,बेसन,हिंग,तेल,मीठ

कृती :

• १ मोठी वाटी मैद्यात २ चमचे बेसन,तिखट,हळद,तेल,मीठ घालून घट्ट कणीक मळून घ्यावी.
• कढईत तेल तापल्यावर काजू बदाम किसमिस खरपूस तळून घ्यावेत.
• हिंग,धणे,तीळ,ठेचा, हळद,तिखट,खोबऱ्याचा किस, शेंगदाण्याचा कूट चांगले भाजून घ्यावे, मग यात कोथिंबीर घालून मिश्रण कोरडं होईपर्यंत चांगलं परतून घ्यावे.
• काजू,बदाम, किसमिस घालावेत आणि मिश्रण थंड होऊ द्यावे.
• कणकेचे लिंबाएवढे गोळे बनवून पारी लाटून वरील मिश्रण भरून आयताकृती आकारात वडी व्यवस्थित बंद करून घ्यावी.
• तेल तापले की वड्या तळून घ्याव्यात.

मस्स्स्त... लागतात...😋😋

जयश्री खराडे.
धन्यवाद!!

#ज्ञानभाषा मराठी प्रतिष्ठान
#अन्नपूर्णा